हा कॉंग्रेस चाणक्याचा पराभवच

आता राष्ट्रवादीच्या एकाने (दुस-याने भाजपाला मत दिले) व जदयूच्या एकाने, अशा दोघांनी अहमद यांना मत दिल्याचे जाहीर केले. ते खरे बोलले. कारण खोटे बोलून त्यांचा स्वार्थ पूर्ण होण्याची कोणतीही शक्यता नव्हती. म्हणजे अहमद यांना 43+1+1=45 मते पडायला हवीत. प्रत्यक्षात मिळाली 44. म्हणजेच काँग्रेसचे आणखी एक मत फुटले.हा काँग्रेसच्या चाणक्याचा पराभव नाही का? भाजपने वैयक्तिक पातळीवर ही निवडणूक न्यावयास नको होती. अहमद यांचे विजयासाठी अभिनंदनही केले पाहिजे. पण हे एक मत आणखी फुटणे काँग्रेससाठी लाजीरवाणेच आहे.

काल रात्रीच्या राजकीय घमासानानंतर कॉंग्रेसचे अहमद पटेल विजयी झाले. एका ज्येष्ठ पत्रकाराने कॉंग्रेसी चाणक्याची भाजपच्या चाणक्यावर मात असे म्हटले. मथळा छान वाटतो. पण मला एक समजले नाही... हा विजय काँग्रेससाठी खरंच आनंदाचा आहे? काहीजण पत्रकारिता विसरून आपली काँग्रेसभक्ती किती दाखवतात, हे आता पहा...

काँग्रेसजवळ 51 आमदार होते. 7 आमदार अगोदरच बंड करते झाले होते. म्हणजे काँग्रेसजवळ राहिले 44 आमदार. (तेच कर्नाटकात नेले होते) यातल्या एकाने क्राॅस व्होटिंग केले, हे स्वत:च मान्य केले. म्हणजे काँग्रेसच्या 43 जणांनी अहमद यांना मत दिले असले पाहिजे.

आता राष्ट्रवादीच्या एकाने (दुस-याने भाजपाला मत दिले) व जदयूच्या एकाने, अशा दोघांनी अहमद यांना मत दिल्याचे जाहीर केले. ते खरे बोलले. कारण खोटे बोलून त्यांचा स्वार्थ पूर्ण होण्याची कोणतीही शक्यता नव्हती.

म्हणजे अहमद यांना 43+1+1=45 मते पडायला हवीत. प्रत्यक्षात मिळाली 44. म्हणजेच काँग्रेसचे आणखी एक मत फुटले.हा काँग्रेसच्या चाणक्याचा पराभव नाही का? भाजपने वैयक्तिक पातळीवर ही निवडणूक न्यावयास नको होती. अहमद यांचे विजयासाठी अभिनंदनही केले पाहिजे. पण हे एक मत आणखी फुटणे काँग्रेससाठी लाजीरवाणेच आहे.

आणि भाजपने घोडेबाजार केल्याच्या आरोपाचा. ज्यापद्धतीने ही निवडणूक झाली, ती पाहता तो आरोप खरा असूही शकतो. त्याचा निषेध झाला पाहिजे. पण असे विकणारे घोडे काँग्रेसने निवडणुकीत उभे का केले व त्यांना आमदार म्हणून निवडून का आणले, याचा विचार कुणी करायचा? त्या आमदारांवर सामाजिक बहिष्कार टाकण्याची भाषा टाळ्या मिळण्यासाठी छान आहे. पण सामाजिक बहिष्कार टाकायचाच असेल तर त्यांना तिकीट देऊन आमदार बनवणा-या राजकीय पक्षावर घालायला पाहिजे...

आता अहमद यांचा विजय हा केवळ आणि केवळ तांत्रिक आहे. समजा "ती" दोन मते अवैध ठरली नसती तर...? तर एकूण मते ठरली असती पूर्ण 176. त्यात विजयासाठी हवी होती 45 मते. म्हणजेच अहमद यांना 44 व चौथ्या उमेदवाराचे 40 मते झाली असती. ती 45 मतांपेक्षा कमी असल्याने 46-46 मते मिळवून पहिल्याच फेरीत विजयी झालेल्या अमित शाह व स्मृती इराणी यांच्या मतांची दुस-या पसंतीची मते मोजली गेली असती. ती चौथ्या भाजप उमेदवारालाच गेली असती व अहमद हरले असते.

आता काय झाले. दोन मते अवैध ठरलीत. त्यामुळे एकूण मते झाली 174. त्यामुळे विजयासाठी आवश्यक ठरलीत 43.5 मते. अहमद यांना पहिल्याच फेरीत 44 मते मिळाल्याने ते याच फेरीत शाह, इराणी यांचसोबत विजयी झाले.